senQ Free Photography Workshop @ <b>Kuching</b> in August 2014 <b>...</b> |
| senQ Free Photography Workshop @ <b>Kuching</b> in August 2014 <b>...</b> Posted: 06 Aug 2014 01:57 AM PDT  Putting a smile on customers' face is always what we want to...  Cherish every of your beautiful and unforgettable moment by capturing... 3 Photography Workshops August 2014 Photography...  |
| Bepun ari terutu ujan, <b>Kuching</b> enda suntuk ai BorneoPost Online <b>...</b> Posted: 07 Aug 2014 09:04 AM PDT KUCHING: Bekal ai di Kuching udah pulai manah baka selama, pengudah dua tiga hari kandang natam ai nya ngasaika terutu ujan tang taja pia Kaunsil Mekal Ai Kuching (KWB) tetap beati-ati laban menua diatu betapi enggau musin kemarau. Menteri Pengeraja Asal enggau Rampa Menua Kedua Datuk Amar Awang Tengah Ali Hassan madah, pengawa ti diatur KWB nambahka 'flap' penalam 0.5m ngambika ulih nambah peninggi tikas ai ngagai 2.5m kenyau bulan April tu tadi, deka nambah ai mata ke disimpan ngagai 3,000 Megalitre (MgL), ke ulih mantu mutar penyuntuk bekal ai di Kuching. Enti enda digaga baka nya, kitai di Kuching nyangka deka betapi enggau penyuntuk ai tang KWB udah nyendiaka pelin tu, lalu sida iya mega nyendiaka pelin kena napi sebarang penyuntuk ai maya kemarau tu," ku Awang Tengah madah ba aum media di Opis KWB di Jalai Batu Kitang ditu, ensana. KWB mega benung mansik enti sema palan endur nyimpan ai di tebing sungai ulih digaga kena nambah kapasiti alai nyimpan ai mata, kena nyeliah ari musin kemarau ke panjai. Iya madah, pengawa ngemesai sereta ngemanahka Palan No: 3 Bekal Ai Beresi Batu Kitang ari 200MLD ngagai 400MLD deka ngenyukupka bekal ai di Bandaraya Kuching, nyengkaum di luar sitak nengeri Kuching enggau Pelilih Menua Samarahan. "Naka ke diatu, KWB bisi 580MLD, lalu enti ditambah 200MLD, nya ke mai penyampau 780 MLD. Pengawa nambahka 200MLD tu deka tembu dalam 2017," ku iya Kelimpah ari nya, KWB ngelalau mensia mayuh, beratika musin kemarau agi mengkang diatu lalu penguna dipinta nyimpan sereta bekelimat ngena ai. Di Kuching, pemayuh penguna ke ngena ai nengah KWB manggai urung 147,000 meter ti disambung ke rumah enggau pemayuh ai sehari manggai 450MLD. Pemayuh mensia ke diau di Kuching manggai urung 785,000. Ba pekara bukai, Awang Tengah lebuh ditanya pemberita sentang ai ke enda chukup deras ti dibekalka Opis Kereja Raya (JKR), enti sema KWB ulih mantu penanggul nya, ku Awang Tengah: "KWB diatu udah nyambung ai ngagai sitak Samarahan enggau sekeda endur di Asajaya. Enti penyampau 200MLD ti ditambah nya tembu ba taun 2017 ila, KWB deka mungkur bekal ai ngagai sitak Sadong Jaya, enggau Simunjan… Tu agi dalam perambu kami," ku iya. Baka di Siburan ku iya, agi dibekalka KWB tang enti Tekad Ai di Bengoh nya tembu ila, KWB semina nyendiaka bekal ai di Kuching, Samarahan enggau sitak di luar Kuching, Bau, Lundu, Sematan, Puncak Borneo enggau Simunjan. Munyi sebana mensia ke madahka pengawa JKR mekal ai, pengawa sida ke kurang ngemuaska ati, Awang Tengah madah: "JKR mungkur sitak ke besai lalu mayuh ari sitak tu di menua pesisir lalu nambah enggau nya, pemayuh mensia pan enda rata. Baka KWB, Sibu Water Board (SWB), LAKU sigi bisi sitak sida iya empu ke patut dibungkur sida iya ke enda kelalu besai enti dibanding enggau JKR," ku iya. Baka di Simunjan ku iya, pelilih menua tu ke pengabis balat betapi enggau penyuntuk ai dataika sungai pan langkang. Bekaul enggau Tekad Ai di Bengoh, iya madah pengawa meresika tekad ai nya benung dipejalai lalu ngarapka ulih mekal ai di pelilih Kuching. Sama bisi ngulua aum media nya, Menteri Muda Perengka Guna Mensia Mayuh (Bekal Ai) Datuk Sylvester Entri Muran, Menteri Muda di Opis Kepala Menteri (Pengawa Dagang Bumiputera) Datuk Naroden Majais, Menijar Besai KWB Mohd Sabari Shakeran enggau Sapit Menijar Besai KWB (Perambu, Pemansang enggau Pengeluar) Wong Soon Sing.  |
| You are subscribed to email updates from kuching - Google Blog Search To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |