» »Unlabelled » Hotel ke mit, program nyemilik patut bisi Setipikit Api, ku Johari ...

11:20:00

<b>Hotel</b> ke mit, program nyemilik patut bisi Setipikit Api, ku Johari <b>...</b>

<b>Hotel</b> ke mit, program nyemilik patut bisi Setipikit Api, ku Johari <b>...</b>

Posted: 23 Oct 2013 02:35 PM PDT

by Jacqueline David. Posted on October 24, 2013, Thursday

KUCHING: Opis Menteri Dagang Temuai (MOT) Nengeri ngelalau semua hotel tauka program nyemilik di menua tu enda tau enda bisi Setipikit Api ti dikemendarka Opis Kandang Menua enggau Bomba.

Menteri Dagang Temuai, Datuk Amar Abang Johari Tun Openg madah opis menteri nya diatu benung beratika pekara nya lalu ngelalau semua hotel ke mit-mit tauka program nyemilik mesti bisi setipikit api.

Kena nentuka pekara tu mujur, opis menteri udah ngaga sebengkah atur pengawa betuaika Sekretari Mendam MOT, ti mega nyadi chairman atur pengawa nya,Datu Ik Pahon Joyik.

Abang Johari madah atur tu digaga begulai enggau Opis Kandang Menua enggau Bomba deka meda perengkaguna tu disediaka ba endur diau temuai, kelebih agi baka endur diau tu digaga di dalam rumah kedai.

"Diatu kitai beratika mayuh temuai rindu agi diau ba hotel ke mit-mit tauka 'Backpackers',. Nya alai, beratika peminta endur bansa tu tinggi, kebuah mayuh rumah kedai diatu digaga nyadi endur diau bala temuai.

"Asal iya endang tukuh rumah kedai lalu ukai digaga ke hotel. Nya kebuah, kami deka ngaga atur pengelikun ba rumah kedai baka tu, ngambika temuai ulih diau enggau lantang sereta likun.

"Tu ke dikumbai 'Penanggul Pemujur', laban mayuh peminta," ku iya.

Iya madah baka tu lebuh bejaku ba aum media sepengudah muka reta tanah 'serviced-residence' 215 bilik keterubah iya digaga di Kuching, ke diempu The Ascott Limited' (ari Singapore), Citadines Uplands Kuching ditu, kemari.

Kelimpah ari alai diau ngena konsep 'serviced-residence' siti agi bagi makit ke dipilih ulih temuai lebuh sida iya nemuai kitu, iya nya endang milih deka diau ba hotel ke menyana.

Ba penumbuh atur pengawa tu, iya madah komiti nya deka betemu enggau sida ke bempu rumah kedai dalam kandang taun tu ngasuh sida ke bempu rumah kedai nya ngaga baru perengkaguna alai diau ke ngemeratka pengelikun temuai sida iya.

"Dikearap raban tu ulih betemu enggau sida ke bempu rumah kedai tu, lalu ngubah sekeda tukuh endur nya ngambika setipak enggau hotel tauka program nyemilik ke ngemeratka pengelikun temuai sida iya.

"Enti atur nya udah digaga ila, semua sida ke bisi palan endur diau baka tu enda tau enda nitihka atur Opis Kandang Menua. Enti enda, kami enda ngeluarka lisin nya," ku iya.

Ku Abang Johari madah, kebuah atur nya terit dipejalaika enti diperatika diatu (ambika chunto), endur diau baka tu enda ibuh ngena lif, laban bisi tangga tang enti pengelikun nya enda dikemeratka, iya tau mai penusah ngagai temuai ke diau dia.

"Tang ke pengabis berat sekali, tiap iku temuai, lebuh sida iya diau di hotel tauka program nyemilik, sida iya enda tau enda direjister diau ba endur nya.

"Kebuah iya, ngambika enti bisi sebarang penusah ke nyadi, sida iya dibungkur ulih insuran. Nya alai, diau ba endur ke bisi lisin," ku iya.

Sama bisi ngulu aum media nya kemari, Sekretari Mendam MOT, Datu Ik Pahon Joyik, Datuk Bandar Majlis Bandaraya Kuching Selatan, Datuk James Chan Khay Syn, presiden MATTA Sarawak, Dayang Azizh Abg Zaidan, chairman India Street Pedestrian Mall, Dato Wee Hong Seng enggau Menijer Besai Ascott, Sitak Menua Singapore enggau Malaysia, Tan Boon Khai.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.
at 11:20:00