» »Unlabelled » Pemanah kaul KDJA enggau Petronas meruan tegut – BorneoPost ...

11:27:00

Pemanah kaul KDJA enggau Petronas meruan tegut – BorneoPost <b>...</b>

Pemanah kaul KDJA enggau Petronas meruan tegut – BorneoPost <b>...</b>

Posted: 02 Dec 2013 01:51 PM PST

KUCHING: Kaul ke manah ari dulu suba dirami antara media di Pelilih Menua Kuching enggau sebuah kompeni minyak enggau gis ke pengabis besai di menua tu, Petronas.

Atur pengawa nya ti digaga di Poolside, Hotel Grand Margherita beratika kaban media ngena baju jersi main bol nitihka kelab main bol ke dikerindu sida iya, baka ke pengabis dikerindu, iya nya tim main bol Liverpool enggau Manchester United.

"Malam tu lebih agi ari malam media tang meri kelala sereta guna pengawa media di menua tu," ku chairman Gerempung Pemberita Pelilih Menua Kuching (KDJA), Sulok Tawie.

Iya ngenang pengawa media sehari sebedau nya, alai urung 200 iku  orang media begempuru di Le Park bemain Futsal, Volleyball, Boling Nyiur enggau Bebatak Tali mandangka kaban media ukai semina gerai runding tang mega selangkuh tubuh.

Nimbal Sulok nangkan nya, Menijer Besai Petronas pampang Sarawak, Shamsur Taha madahka pengawa media naburka pengawa Petronas sama enggau ngemansangka menua, siti pengawa ke patut diberi puji, ku iya.

"Enggau penemu ke silik agi, pengawa Petronas dalam sosio-ekonomi menua, kami ngarapka media deka ngemanahka agi chara sida iya nabur berita, ngambika silik agi, pemujur kami dalam ngemansangka menua, ke meri penguntung ngagai menua tu empu," ku iya lalu madahka pengaga ati iya ke ulih bekerejasama enggau KDJA.

Entara atur pengawa malam nya, chabut benasit enggau perais ke pengabis besai sebuah televisyen 42" LED TV sereta diperindang ulih Stanley AF6 enggau Olivia Baha ari StarQuest.

Kelimpah ari nya, nyerumba theme malam nya, 'Malam Jersi', siti pengawa pemerindang mantaika tanda 'Waka-waka' digaga, ulih raban pemberita kelimpah ari bekaraoke.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.
at 11:27:00